Elordada qala mańyna qatynaıtyn avtobýs baǵdarlary toqtatyldy
NUR-SULTAN. QazAqparat – Astanada qala mańyna qatynaıtyn avtobýs baǵdarlary toqtatyldy, dep habarlaıdy QazAqparat Astana LRT kompanııasyna silteme jasap.
«Qurmetti qala turǵyndary men qonaqtary! Tas joldarynyń jabylýyna baılanysty barlyq qala mańyna qatynaıtyn baǵdarlardyń qozǵalysy ýaqytsha toqtatyldy. Qozǵalysty qalpyna keltirý týraly qosymsha habarlanatyn bolady», delingen habarlamada.
Kóktaıǵaq baılanysty jáne qar qalyń jaýyp, jel kúsheıip joldyń kórinýi nasharlap ketkendikten saǵat 19:00-den bastap el astanasynan Qaraǵandy oblysy, Pavlodar oblysyna baratyn kúre jol, Qorǵaljyn aýdany, Qabanbaı batyr aýyly baǵytyndaǵy joldarda barlyq kólik túrleriniń júrisi ýaqytsha shekteldi.
Eske sala ketsek, qalyń qar jaýyp, joldardyń kóktaıǵaq bolýyna baılanysty «Nur-Sultan-Temirtaý» jáne «Nur-Sultan-Şýchınsk» joldarynda kólik qozǵalysy toqtatylǵan bolatyn.
Al taǵy da elimizdiń qandaı óńirlerindegi joldarda kólik júrisine shekteý qoıylǵanyn myna siltemeden bile alasyz.
