Elordada qala mańyna qatynaıtyn 14 avtobýs ýaqytsha júrmeıdi
NUR-SULTAN. QazAqparat - Aýa raıynyń buzylýyna baılanysty Nur-Sultan qalasynyń mańyndaǵy aýyldarǵa júretin avtobýstardyń jumysy ýaqytsha toqtady, dep habarlaıdy QazAqparat Astana LRT kompanııasyna silteme jasap.
Vedomstvonyń málimetinshe, tasjoldardyń jabylýyna jáne aýa raıyna baılanysty myna baǵdarlardyń qozǵalysy ýaqytsha toqtatyldy: №300, 310, 311, 312, 313, 314, 315, 316, 317, 318, 319, 321, 322, 326.
Jolda qatynap júrgen baǵdarlar: №301,302, 303, 304, 305, 306,307, 308, 309, 320.
Eske sala keteıik, búgin tańerteń aqtútek boranǵa baılanysty Nur-Sultan mańyndaǵy jáne úsh oblystaǵy jol jabylǵan bolatyn.
