Elordada «KADEX-2014» halyqaralyq qarý-jaraq jáne áskerı-tehnıkalyq múlik kórmesi ashyldy
Ony QR Memlekettik hatshysy Ádilbek Jaqsybekov, QR Úkimet basshysynyń birinshi orynbasary Baqytjan Saǵyntaev, QR Qorǵanys mınıstri Serik Ahmetov jáne kórmege qatysýǵa kelgen sheteldik delegatsııa ókilderi tamashalady.
Áýe-shoý baǵdarlamasynda Qazaqstannyń Áýe qorǵanysy kúshteri jaýyngerlik avıatsııasynyń ushý toby birneshe ushý qoıylymyn jurtshylyq nazaryna usyndy. Olar áýege eń joǵarǵy pılotajdyq fıgýralardy Mıg, Sý ushaqtarymen oryndady. Atalǵan ushaqtardy QR Qarýly Kúshteri áskerı áýe kúshteriniń «Alataý» jáne «Jetisý» pılotajdyq toptarynyń ushqyshtary basqardy. Sonymen qatar Qazaqstan Qarýly kúshteri qataryndaǵy tehnıkalar da kórsetilip, arnaıy sodyrlar tobyn joıýdaǵy qazaqstandyq áskerı qyzmetshilerdiń uıymdasqan is-qımyly kórsetildi. Aıta keterligi, aǵymdaǵy jylǵy 27 eliniń qorǵanys salasyndaǵy 300-den astam kásiporny óz ónimderin usynatyn bolady. 80-nen astam qazaqstandyq kásiporyndar óz ónimderin kelýshiler nazaryna usynady. Kórmege 54 resmı delegatsııa qatysady. Kórme aıasyndaǵy ashyq alańdar men jabyq polıgondarda ǵylymnyń, onyń ishinde áskerı ǵylymnyń, qarýlaný salasyndaǵy tehnıkalyq sheshimderdiń, áskerı maqsattaǵy jańa ónimderdiń sońǵy jetistikteri kórsetiletin bolady.
