Elordada «Qabyl al balańnyń, sálemin joldaǵan....» atty merekelik is-shara ótedi
ASTANA. 2 naýryz. QazAqparat - 4 naýryzda QR Prezıdenttik mádenıet ortalyǵy murajaıynda Halyqaralyq áıelder kúnine arnalǵan «Qabyl al balańnyń, sálemin joldaǵan....» atty is-shara ótedi.
Bul aqparatty atalǵan ortalyqtyq baspasóz qyzmeti taratyp otyr.
Іs-shara Astana qalasy mektepteriniń daryndy oqýshylarynyń qatysýymen ótedi. Sharaǵa VII qysqy Azıada oıyndarynyń ashylý saltanatynda Ulyqbek Esdáýlettiń «Kók baıraq» ánin oryndaǵan aǵaıyndy Mızamdar qatysady. «Shattyq-2011» festıvaliniń dıplomanty Orazymbetova Araılym - Nesipbek Aıtulynyń «Báıterek» ánin, «Shattyq-2010» festıvaliniń, qalalyq «Kúmbirlegen dombyra úni» baıqaýynyń jeńimpazy, «Shattyq-2009» festıvaliniń altyn medal ıegeri, halyqaralyq «Aq kógershin» baıqaýynyń dıplomanty Qasymbek Nurdáýlet - Esbaıdyń «Terisqaqpaı» kúıin, «Shattyq-2011» festıvaliniń dıplomanty Ermekbaeva Madına «Astana» ánin oryndaıdy. Sondaı-aq oqýshylar qazaqtyń ulttyq bıin bılep, ánin shyrqap, ana taqyrybynda óleńder oqıdy.
