Elordada Qabanbaı batyr dańǵylyndaǵy avtobýs jolaǵynda kólikterdiń júrýine ruqsat berildi
NUR-SULTAN. QazAqparat – Elordada Qabanbaı batyr dańǵylyndaǵy qoǵamdyq kólik jolaǵy «Sergek» júıesinen alynyp tastalady, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
«Ótkizý qabiletin arttyrý maqsatynda búginnen bastap Qabanbaı batyr dańǵylyndaǵy qoǵamdyq kólik jolaǵy «Sergek» júıesinen alynyp tastalady. Avtobýs jolaǵyna túsken kólik tirkelmeıdi. Alaıda burynǵysynsha jyldamdyq rejımin tirkeý júrgizile beredi», delingen habarlamada.
Departamenttiń málimetinshe, jol belgilerin ózgertý 2021 jylǵy kóktemgi-jazǵy kezeńde aýa raıy qolaıly bolǵan kezde júrgiziledi.
