Elordada izdeýde júrgen er adamnyń alımentin týǵan-týystary tólep jatyr

Sot oryndaýshylar Nur-Sultan qalasynda 2002 jylǵy jas jigittiń – qaryz ıesiniń baýyrynyń Lexus ES300 kóligin tárkiledi. Avtokólikti tárkileý barysynda izdeýde júrgen er adamnyń týystary onyń qaryzyn burynǵy kelinine tólep jatqany anyqtalǵan.

Sol úıdiń kelini avtokóliktiń tárkilenip jatqanyn estip, qaryz ıesiniń ata-anasyna kelip, alımenttiń tólengeni týraly ótinim jazdy.

Aldaǵy ýaqytta ulynyń qaryzyn áke-sheshesi jabatyn boldy.

«Kólikti tárkilegennen keıin eki kúnnen soń sot oryndaýshylary ony qaıtaryp berdi. Anyqtalǵandaı, qaryz ıesiniń memleket aldynda taǵy 7 mindettemesi bolǵan. Ony da týǵan baýyry tólep jatyr», - deıdi Nur-Sultan qalasynyń jeke sot oryndaýshylar palatasy basshysynyń orynbasary Madına Janasaeva.

Іzdeýde júrgen er adamnyń 2018 jyldyń tamyzynan bergi 1,5 mıllıon teńge qaryzy ótelgen.

Jalpy bul adam ekinshi ret ajyrasqan. Alǵashqy nekesinen - úsh, ekinshi nekesinen - eki bala qalǵan.