Elordada iz-túzsiz joǵalǵan jasóspirim qyz tabyldy
NUR-SULTAN. QazAqparat – Bıylǵy jyldyń 2 qarashasynda saǵat 17:03-te elordanyń «Saryarqa» aýdandyq polıtsııa bóliminiń «102» nómirine 2005 jylǵy qyz balanyń joǵalǵany týraly habarlama kelip tústi, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Polıtsııaǵa shaǵymdanǵan er adamnyń aıtýynsha, kámelettik jasqa tolmaǵan qyzdy sońǵy ret Jeńis dańǵylyndaǵy kolledj ǵımaratynan shyqqan kezde baıqaǵan. Boıjetkenniń buǵan deıin úıinen birneshe ret ketip qalǵany da belgili boldy.
Qyz balany izdeý jumystaryna elorda polıtsııasynyń jeke quramy men eriktiler jumyldyrylǵan. Іzdeý barysynda tártip saqshylary onyń bolýy múmkin jerlerdiń barlyǵyn tekserip shyqty.
15 jastaǵy boıjetken aqyry tabyldy. Qazirgi kezde ol úıinde otyr. ıÝvenaldyq polıtsııa qyzmetkerleri onyń otbasyn esepke aldy.
Elorda polıtseıleri ata-analarǵa balanyń júris-turysyn qadaǵalaý qajettiligi men tárbıesi boıynsha mindetterin tıisti atqarmaǵany úshin artylatyn jaýapkershilik týraly eske saldy.
