Elordada iz-túzsiz joǵalǵan qyzdyń máıiti tabyldy
NUR-SULTAN. QazAqparat – 19 jastaǵy boıjetkenniń denesi Esil ózeninen tabyldy, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Polıtsııaǵa qyzdyń anasy onyń joǵalǵanyn aıtyp, shaǵym túsirgen. Boıjetken osy jyldyń 19 qyrkúıeginde saǵat 11:00-de úıinen shyǵyp ketip, qaıta oralmaǵan. Ony izdeýge Nur-Sultan qalalyq Polıtsııa departamentiniń jeke quramy, Ulttyq ulannyń jeke quramy, eriktiler kirisken. Sońǵy ret qyzdy Baraev kóshesine qaraı kópirden kórgeni anyqtaldy. Ony izdeýge súńgýirler toby tartyldy.
«Osy jyldyń 22 qyrkúıeginde saǵat 11:20-da polıtsııa qyzmetkerleri TJM jedel-qutqarý jasaǵymen birge Esil ózeninen qyzdyń denesin tapty. Atalǵan fakti boıynsha qylmystyq is qozǵalyp, sot-medıtsınalyq saraptama taǵaıyndaldy. Oqıǵanyń mán-jaıy anyqtalyp jatyr», - dep túsindirdi vedomstvonyń baspasóz qyzmetinen.
Eske salaıyq, Nur-Sultanda 2002 jylǵy qyz joǵalyp ketken edi. Ony Nur-Sultan qalalyq polıtsııa departamentiniń jeke quramy, Ulttyq gvardııa jeke quramy, eriktiler izdegen bolatyn.
