Elordada IT-tehnologııalar salasyndaǵy áıelderdiń áleýetin damytý jobalary tanystyryldy
Іs-sharany uıymdastyrý boıynsha Ulttyq komıssııanyń seriktesi «TECHNOWOMEN» qoǵamdyq birlestigi, QR Aqparat jáne qoǵamdyq damý mınıstrligi boldy.
Kezdesýdi Ulttyq komıssııanyń tóraǵasy, Qazaqstan Respýblıkasy Prezıdenti Ákimshiligi Basshysynyń orynbasary Aıda Balaeva ótkizdi.
Іs-sharaǵa kásipker áıelder, ІT-jobalardyń basshylary, qoǵamdyq uıymdardyń kóshbasshylary, memlekettik organdar men ulttyq kompanııalardyń ókilderi qatysty.
Kezdesý barysynda áıelderdiń tsıfrlyq ekonomıkadaǵy múmkindikterin damytý jáne áıelder men balalar úshin áleýmettik mańyzy bar IT-jobalardy praktıkaǵa engizý máseleleri pysyqtaldy.
Tusaýkeserge qatysýshylar aldynda sóılegen sózinde A. Balaeva Ulttyq komıssııa tsıfrlandyrý salasynda yntymaqtastyq ornatý jáne talanttardy qoldaýǵa múmkindikterdi ilgeriletýdegi óz mindetin kórip otyrǵanyn atap ótti.
«Bul jumystyń basty basymdyqtary - seriktestik úshin jaǵdaılardy keńeıtý, qundy talanttardy anyqtaý jáne áıelder bastamalarynyń ekonomıkalyq jáne áleýmettik áleýetin iske asyrýǵa járdemdesý. Bul kezdesý - osy máselelerdi sheshýdegi kezekti qadam» - dedi ulttyq komıssııa tóraǵasy.
Kezdesý eki jumys sessııasynyń aıasynda ótti.
Birinshi sessııa barysynda zańnamalyq praktıkany jetildirý jáne sektoraralyq yntymaqtastyqty ınstıtýtsıonaldyq nyǵaıtý jónindegi birqatar bastamalar kóterildi.
Sessııanyń arnaıy qonaǵy Qazaqstandaǵy Google Women Techmakers baǵdarlamasynyń ambassadory Jarqyn Şeglova boldy.
Osy alańda spıkerler retinde «Tsıfrlyq transformatsııa» QQ basshysy, TechnoWomen Prezıdenti Azıza Shýjeeva, «Tsıfrlyq ekonomıkany damytý ortalyǵy» JShS Bas dırektory Bıkesh Qurmanǵalıeva, Birinshi kredıttik bıýronyń atqarýshy dırektory Ásem Nurǵalıeva, «Dogovor24» kampanııasynyń bas dırektory Elena Sedyh, «Qazposhta» AQ transformatsııalaý jáne jobalyq basqarý departamentiniń dırektory Elena Chekaeva sóz sóıledi.
Ekinshi sessııa aıasynda qoǵamdyq mańyzy bar túrli máselelerdi sheshýge jáne áleýmettik kásipkerlikti damytýǵa baǵyttalǵan birqatar jobalar tanystyryldy.
Sonyń ishinde, onlaın-bilim berýdi keńeıtý, pedagogtardyń biliktiligin arttyrý jáne mektepterdi tsıfrlandyrý, jastardy jynystyq tárbıeleý, turmystyq zorlyq-zombylyqtyń aldyn alý, sondaı-aq onkologııalyq aýrýlardy anyqtaý jáne júktilik pen bosaný kezinde áıelderdi onlaın-qoldaý boıynsha ıdeıalar usynyldy.
Kezdesýdiń negizgi qorytyndysy áleýmettik áriptestik múmkindikterin nyǵaıtý jáne memlekettik qurylymdar, ulttyq kompanııalar men IT-kásipkerlik salasynyń ókilderi arasynda turaqty baılanys júıesin qalyptastyrý boldy.
