Elordada «Іshki ister organdarynyń qyzmetkerleri arasynda sýıtsıdti psıhologııalyq aldyn alý» taqyrybynda semınar-keńes ótti
ASTANA. Qyrkúıektiń 11-i. QazAqparat -Qyrkúıektiń 10-y Búkilálemdik sýıtsıdti boldyrmaý kúni. Osyǵan oraı keshe Astana qalalyq ishki ister departamentiniń psıhologııalyq qyzmeti «Іshki ister organdarynyń qyzmetkerleri arasynda sýıtsıdti psıhologııalyq aldyn alý» taqyrybynda semınar-keńes ótkizdi. Bul aqparatty atalǵan vedomstvonyń baspasóz qyzmeti taratyp otyr.
Alqaly jıynǵa Astana qalalyq ishki ister departamenti bastyǵynyń orynbasary, polıtsııa polkovnıgi Baqytjan Beıseev, departament emhanasynyń dáriger-psıhıatry Bıbijamal Báıkenova, Astana qalalyq Psıhıkalyq densaýlyq máseleleri medıtsınalyq ortalyǵynyń meńgerýshisi Elena Nakonechnıkova, elordalyq garnızon Ardagerler keńesiniń tóraǵasy Esim Tanabergenov, Úkimettik mekemelerdi kúzetý polkiniń, Mamandandyrylǵan kúzet qyzmetiniń, Kóliktegi Ortalyq ishki ister departamentiniń psıholog-ınspektorlary jáne qalalyq departamenttiń jeke quramy qatysty.
«Semınardyń negizgi maqsaty - sýıtsıdtik qaýip-qaterdiń negizgi sebepterin anyqtaý, ІІO qyzmetkerleri arasynda tótenshe jaǵdaılar faktileriniń aldyn alý jáne boldyrmaý, qaramaǵyndaǵy qyzmetkerlerdiń psıhoemotsııalyq buzylý belgileri baıqalýdy anyqtaý boıynsha ujym basshylaryn bólinis psıhologtarymen tyǵyz qarym-qatynasta jumys isteýge shaqyrý», delingen baspasóz habarlamasynda.
