Elordada ishki ister organdarynyń birqatar qyzmetkeri «Chernobyl 1986-2011» medalimen marapattaldy
TANA. 3 tamyz. QazAqparat - Astana qalalyq Іshki ister departamentinde 1986 jylǵy Chernobyl atom elektr stansysyndaǵy apatty zalalsyzdandyrýǵa qatysqan ishki ister organdarynyń birqatar qyzmetkeri men zeınetkerleri marapattaldy,
dep habarlady vedomstvonyń baspasóz qyzmetinen.
Elordalyq ishki ister departamenti bastyǵynyń orynbasary polıtsııa polkovnıgi Dmıtrıı Kvashýk Jedel-krımınalıstik basqarmasynyń aǵa krımınalısi ıÝrıı Solomonenko men ishki ister organdarynyń ardagerleri Máýlen Júsipov, Muratbek Musabekov, Nıkolaı Vlasov jáne Qaırat Bulashovqa «Chernobyl 1986-2011» medalin tabys etti.
Surapyl apattyń saldaryn joıýǵa qatysqandarǵa alǵysyn bildirgen polıtsııa polkovnıgi: «Chernobyl apaty kúlli adamzattyń qasiretine aınaldy. Jyldan-jylǵa Chernobyl apatynyń zardabyn joıýǵa qatysqandardyń sany azaıyp keledi. Bul apat óziniń sumdyqtaryn búgingi kúnge deıin umyttyrar emes. Sol jyldar jańǵyryǵy adamzat júregin áli syzdatýda. Búgingi ómirimiz úshin jan aıamaı jasaǵan erlikterińiz esten shyqpaıdy, umytylmaıdy. Sizder urpaqqa ulaǵatty jol, beıbit bolashaq qaldyrdyńyzdar. Búginde egde jastaryńyzǵa qaramaı, jastarǵa patrıottyq tárbıe berýde alǵy shepten tabyla bildińizder. Sizderge basymyzdy ıip, rızashylyǵymyzdy aıtamyz», - dedi.
