Elordada ishki ister qyzmetkerleri aýǵan soǵysynyń ardagerlerine qurmet kórsetti
ASTANA. 18 aqpan. QazAqparat /Jasulan Amanbaıuly/ - Búgin Astanada keńes áskerleriniń aýǵan jerinen shyǵarylǵanyna 22 tolýyna oraı elordadaǵy ІІD-niń Almaty aýdandyq ishki ister basqarmasynda saltanatty shara ótti.
Shara Ábdiǵappar Dilmanov pen Janaıdar Jırentaevtyń eskertkish memorıalyna gúl shoqtaryn qoıý rásimimen bastaldy. Budan keıin basqarmanyń jeke quramy, mektep oqýshylary men Aýǵanstandaǵy soǵys ardagerleriniń kezdesýi boldy.
Qalalyq ІІD óz qataryndaǵy jaýynger-ınternatsıonalısterdi nazardan tys qaldyrǵan emes. Qazirgi ýaqytta munda aýǵan soǵysyna qatysqan 10 ardager jáne 9 ishki ister qyzmetkeri bar. Olarǵa jyl saıyn qurmet kórsetilip, aqshalaı syılyqtar tabystalady. Búgingi mereıtoıda da olar syılyqtarmen marapattaldy.
Bul soǵysqa Qazaqstannan 22 myń azamat qatysyp, onyń 924-i opat bolyp, 1015 jaýynger múgedek bolyp qaldy jáne 21 adam habarsyz ketti.
