Elordada ishimdikke sylqııa toıǵan 18 jastaǵy jigit lıftini búldirdi
NUR-SULTAN. QazAqparat – Elordada ishimdik ishken 18 jastaǵy jigit úıdiń lıftisinde monıtordy syndyryp, lıft qabyrǵalaryn búldirgen, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmetine silteme jasap.
Áleýmettik jelilerge monıtorıng júrgizý barysynda oǵash qylyq beınelengen vıdeo anyqtaldy.
Onda jas jigittiń úıdiń lıftisine kirip, monıtordy syndyryp, lıft qabyrǵalaryn búldirgeni túsip qalǵan.
Oqıǵa bıylǵy jyldyń 16 shildesinde keshki ýaqytta «Kamınnyı» turǵyn úı kesheninde bolǵan.
Atalǵan fakti boıynsha kúdiktiniń ishimdikke toıyp alyp, úıine kele jatqan 18 jastaǵy elorda turǵyny ekeni belgili boldy.
Qoǵamdyq tártipti buzýshyǵa qatysty QR ÁQBtK 434-baby («Usaq buzaqylyq») boıynsha ákimshilik is qozǵaldy.
Sonymen qatar, mas kúıinde qoǵamdyq orynǵa shyqqany úshin tártip buzýshy ÁQBtK 440-baby boıynsha jaýapqa tartyldy.
