Elordada ishimdikke elitken jas jigit kóligimen atogreıderge soǵyldy
NUR-SULTAN. QazAqparat - Elordada ishimdikke elitken jas jigit kóligimen atogreıderge betpe-bet kelip soqtyǵysty. «Reno» kóligin tizgindegen jigittiń júrgizýshi kýáligi de joq bolyp shyqty, dep habarlaıdy QazAqparat tilshisi.
Nur-Sultan qalalyq Polıtsııa departamentiniń málimetinshe, búgin túngi saǵat 00:25-te Qudaıberdiuly kóshesimen júrip kele jatqan jas jigit Músirepov keshesimen qıylysqa jetkende rýlge ıe bola almaı qalyp, jol tazalap kele jatqan avtogreıderge soǵylǵan. Jol-kólik oqıǵasynan keıin «Reno» kóliginiń júrgizýshisi qalalyq aýrýhanaǵa jetkizilip, medıtsınalyq kómek kórsetilgennen keıin úıine jiberilgen.
«Medıtsınalyq kýálandyrý qorytyndysymen er adam ishimdikke ortasha deńgeıde mas bolǵany anyqtaldy. Sonymen qatar ol kólik quraldaryn basqarýǵa júrgizýshi kýáligin alǵan tulǵalardyń respýblıkalyq málimetter bazasynda joq bolyp shyqty. Ákimshilik sottyń sheshimimen jas jigit mas kúıde ári kólik quralyn basqarý quqyǵynsyz júrgizgeni úshin 20 táýlikke qamaýǵa alyndy», - dedi vedomstvodan.
