Elordada ishimdikke elirgen jastar kólikterdiń tóbesinde oıran salǵan

NUR-SULTAN. QazAqparat – Іshimdiktiń áserinen eldiń mazasyn alyp, aýladaǵy kólikterge zaqym keltirgen astanalyq jastar ustaldy, dep habarlaıdy QazAqparat tilshisi.

Nur-Sultan qalasynyń saqshylary áleýmettik jelige monıtorıng júrgizý barysynda túngi saǵat 03:30-da Petrov kóshesindegi úıdiń aýlasynda jastar tóbeles shyǵaryp, keıin olardyń biri turaqta turǵan avtokólikterdiń tóbesine shyǵyp, oıran salǵanyn anyqtady.

«Tártip buzǵandardyń bári anyqtalyp, polıtsııaǵa jetkizildi. Olar usaq buzaqylyq úshin, mas kúıinde qoǵamdyq orynǵa shyqqany jáne túngi tynyshtyqty buzǵany úshin jaýapkershilikke tartyldy. Búlingen avtokólik ıeleri ózderine kelgen shyǵyn kólemin anyqtap jatyr», - deıdi Nur-Sultan qalasy «Almaty» aýdandyq polıtsııa bóliminiń bastyǵy Dastan Qalıev.