Elordada Ironman jarysyna baılanysty joldar jabyldy
NUR-SULTAN. QazAqparat - Búgin elordada Ironman halyqaralyq trıatlon jarystary ótýde, dep habarlaıdy QazAqparat Habar24kz saıtyna silteme jasap.
Osyǵan baılanysty Beıbitshilik pen Kelisim saraıy mańyndaǵy Momyshuly jáne Táýelsizdik dańǵyldary, Baıtursynov, Qaldaıaqov jáne Nájimedenov kósheleri jartylaı jabyldy.
Sonymen qatar jarys ótetin Dostyq, Álıhan Bókeıhan, Kereı-Jánibek, 38-kósheleri, Máńgilik El jáne Uly Dala dańǵyldarynda qozǵalys shekteldi.
Uıymdastyrýshylardyń aıtýynsha, jabylǵan kóshelerdiń tolyq kartasyn navıgatsııalyq qosymshadan onlaın kórýge bolady. Sondaı-aq jolaýshylar kóliginiń qozǵalys syzbasy ózgerdi. Qala turǵyndary men qonaqtarynan marshrýtty aldyn-ala josparlaýdy suraıdy.
