Elordada iri jol apatyn jasaǵan sheteldiktiń ústinen is qozǵaldy
ASTANA. QazAqparat - Astana qalalyq ishki ister departamenti 5 tamyz kúni elordada oryn alǵan iri jol-kólik apatyna kináli azamatqa qatysty qandaı shara qoldanylatyndyǵyn jarııa etti, dep habarlaıdy QazAqparat tilshisi atalǵan vedomstvonyń baspasóz qyzmetine silteme jasap.
«2018 jyldyń 5 tamyzynda Astananyń Saraıshyq kóshesi boıynsha Ázerbaıjan azamaty E.R.Álıev basqarǵan «BMW» markaly avtokóliktiń qatysýymen jol-kólik oqıǵasy oryn alyp, tórt mashına soqtyǵysty. Kináli azamatqa qatysty ákimshilik quqyq buzýshylyq týraly is qozǵalǵanyn habarlaımyz», - delingen taratylǵan aqparatta.
Іs Astana qalasynyń mamandandyrylǵan aýdanaralyq ákimshilik sotyna joldanǵan.
Sonymen qatar Astana qalalyq ishki ister departamenti Álıevke qatysty mindetti saqtandyrý kelisimshartyn jasaýdan bas tartqany úshin ákimshilik óndiristiń qozǵalǵanyn atap ótken. Oǵan 10 AEK kóleminde aıyppul salynǵan.
Esterińizge sala ketsek, 5 tamyz kúni BMW markaly kóliktiń júrgizýshisi iri jol-kólik apatyn jasap, saldarynan 4 mashına búlingen bolatyn.
