Elordada iri saýda ortalyqtary men bazarlar azyq-túlikti tómen baǵamen satýǵa kelisti
Áleýmettik mańyzy bar azyq-túlik taýarlarynyń baǵasyn turaqtandyrý maqsatynda Investıtsııalar jáne kásipkerlikti damytý basqarmasy «Ásem», «Álem», «Shapaǵat», «Bıg Shanhaı» jáne «Sharyn» azyq-túlik bazarlarynyń ókilderimen kezdestiKezdesý aıasynda áleýmettik mańyzy bar azyq-túlik taýarlarynyń 19 túrine shekti saýda ústemesin ornatý týraly kelisimge qol jetkizildi.
Azyq-túlik bazarlarynyń ókilderi áleýmettik mańyzy bar azyq-túlik taýarlaryna shekti saýda ústemesiniń mólsheri boıynsha 15%-dan aspaıtyn, al kópshilik pozıtsııa boıynsha 7-10%-dan aspaıtyn birlesken memorandýmǵa qol qoıýǵa daıyn ekendigin bildirdi.
Sondaı-aq, osy másele boıynsha «Magnum», «Small», «Aıan», «Astyqjan», «Keńmart» jáne t.b. saýda jelilerimen memorandým jasasý boıynsha is-sharalar pysyqtalyp jatyr.
Qalalyq Investıtsııalar jáne kásipkerlikti damytý basqarmasy «aınalym mehanızmi» aıasynda 8 sýbektimen sharttarǵa qol qoıyp, 4,6 mlrd teńge qaryz bóldi.
Bul iri saýda obektilerinde áleýmettik mańyzy bar taýarlardyń 18 pozıtsııasyn tómendetilgen baǵamen satýǵa múmkindik berdi:
- «Aqmol» dúkenderinde 2021 jyldyń jeltoqsanyna deıin 10 taýardyń (sút, aıran, taýyq eti, súzbe jáne t.b.) baǵasy bekitildi.
- «Magným» saýda jelisinde 16 pozıtsııanyń (sút, aıran, taýyq eti, súzbe jáne t. b.) baǵasy bekitildi;
- «Aıan», «Astyqjan» jáne «Keńmart» dúkenderinde kúnbaǵys maıynyń 2 túri («Leto», «Hozıaıýshka») 460 tg/l baǵada satylady.
- «Magným», «Astyqjan», «Vkýsmart», «Metro» jelilerinde kúrish 245 tg/kg baǵada jáne qaraqumyq jarmasy 330 tg/kg baǵada satylady.
Kókónis ónimderi 6 nysanda («Shapaǵat», «Rahmet», «Vkýs Mart», «Anvar», «Astyqjan» jáne «AQMOL») qala boıynsha eń tómen bekitilgen baǵamen satylady.
Kartop-89 tg/kg, qyryqqabat-90 tg/kg, pııaz-80 tg/kg, sábiz-77 tg/kg.
