Elordada iri kólemde esirtki zattaryn satýmen aınalyspaq bolǵan qylmystyq top quryqtaldy
ASTANA. Qańtardyń 27-si. QazAqparat - Elordada iri kólemde esirtki zattaryn satýmen aınalyspaq bolǵan qylmystyq toptyń is-áreketine tosqaýyl qoıyldy.
Bul aqparatty Astana qalalyq ishki ister departamentiniń baspasóz qyzmeti taratyp otyr.
Aǵymdaǵy jyly qańtardyń 20-synda Astana qalalyq ІІD Esirtki bıznesimen kúres basqarmasynyń qyzmetkerleri júrgizgen arnaıy jáne keshendi jedel izdestirý sharalary barysynda elorda aýmaǵyna esirtki zattaryn jetkizýmen aınalyspaq bolǵan topty quryqtaýǵa arnalǵan operatsııa júrgizildi.
Vedomstvo baspasóz qyzmetiniń habarlaýynsha, atalǵan is-shara barysynda birneshe márte sottalǵan 1964 jyly týǵan áıel men onyń 1980 jylǵy kóńildesiniń Qaraǵandy oblysynan elorda aýmaǵyna iri kólemde esirtki jetkizbek bolǵandyǵy anyqtalǵan. Atalǵan tulǵalardyń qylmystyq is-áreketteriniń jolyn kesýge baǵyttalǵan jedel izdestirý sharalarynyń barysynda kúdiktilerdiń jeke zattarynyń arasynan 1 kıláǵa jýyq esirtki zattary tárkilengen.
Saraptama nátıjesinde bul zattardyń geroın ekeni anyqtalyp, olardyń ústinen QR QK 259 baby boıynsha qylmystyq is qozǵaldy.
