Elordada ıpotekaǵa «arzan úı alyp beretin» áıel ustaldy
NUR-SULTAN. QazAqparat – Elordanyń krımınaldyq polıtsııa qyzmetkerleri alaıaqtyqtyń birneshe faktisi boıynsha 51 jastaǵy áıeldi ustady, dep habarlaıdy QazAqparat tilshisi.
Polıtsııa departamentiniń málimetinshe, alaıaq áıel azamattarǵa tómendetilgen stakamen bankten ıpotekaǵa páter alyp beretinin aıtqan. Óziniń «qyzmeti» úshin 300 myńnan bastap 1,5 mln teńgege deıin aqsha alyp otyrǵan.
«Qazirgi ýaqytta onyń alaıaqtyǵy boıynsha 9 fakti tirkeldi. QR QK-niń 190-babymen (alaıaqtyq) sotqa deıingi tergeý amaldary júrgizilýde. Onyń basqa da qylmystarǵa qatysynyń bar-joǵy anyqtalyp jatyr», - dedi departamentten.
Qalanyń tártip saqshylary osyndaı qylmystardan zardap shekken adamdar bolsa Beıbitshilik, 19 mekenjaıyndaǵy Polıtsııa departamentine júginýdi nemese 8 (7172) 71-60-87, 20-22-96, 8-775-000-14-06, «102» nómirine habarlasýdy suraıdy.
