Elordada «Iphone» telefondary urlanǵan sát taspaǵa túsip qalǵan

NUR-SULTAN. QazAqparat – Elordanyń «Esil» aýdandyq polıtsııa bólimine eki uıaly telefonnyń urlaný faktisi boıynsha ótinish tústi, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.

Ótinish berýshiniń sózi boıynsha, telefondardy belgisiz er adam urlaǵany túsirilgen vıdeo bar. Beınejazbany zertteý barysynda elordanyń buryn birneshe ret sottalǵan 25 jastaǵy turǵyny ustaldy.

Ustalǵan er adamnyń kúndiz Qabanbaı batyr dańǵylyndaǵy SPA-salonǵa kirgeni anyqtaldy. Salon ákimshisiniń jumys ornynda bolmaǵanyn paıdalanǵan ol jalpy quny 200 myń teńgeni quraıtyn túrli modeldegi eki «Iphone» uıaly telefonyn urlap, ǵımarattan izin sýytty.

Urlyq faktisi boıynsha sot aldyndaǵy tergep-tekserý amaldary júrgizilýde. Kúdikti ýaqytsha ustaý abaqtysyna qamaldy. Qazirgi kezde onyń elorda aýmaǵynda jasalǵan osyǵan uqsas qylmystarǵa qatysy anyqtalý ústinde.

Nur-Sultan qalasynyń Polıtsııa departamenti azamattardy qyraǵy bolýyn eskertip, jumys oryndaryn qaraýsyz qaldyrmaýyn suraıdy.