Elordada ıntımdik qyzmet kórsetken 10 jigit polıtsııaǵa jetkizildi
Nur-Sultan qalalyq Polıtsııa departamentiniń qyzmetkerleri SPID ortalyǵymen birlesip, ıntımdik jáne bodı-massaj qyzmetin kórsetetin tulǵalardy anyqtaý boıynsha aldyn alý-reıdtik sharasyn adam saýdasymen kúres maqsatynda ótkizip jatyr. Reıd barysynda jeńil júristi qyzdy 8 myń teńge aqshalaı syıaqyǵa klınetke jetkizip bergen áıel ustaldy. Ol bul áreketi úshin QR Qylmystyq kodeksiniń 309-baby 1-bóligimen jaýap beredi.
Sonymen qatar «Stop-trafık» sharasy barysynda Balqantaý kóshesinde ornalasqan saýnanyń ákimshisi ustaldy. Ol klıentke 50 myń teńge syıaqyǵa ıntımdik qyzmet kórsetetin qyzdardy jetkizip bergen. Munan bólek, páterler men kottedjderde massaj jasaıtyn SPA-salondar anyqtaldy. Salondar bodı-massaj atyn jamylyp, ıntımdik qyzmet kórsetip kelgen. Jeńil júristi qyzdardyń arasynda kámeletke tolmaǵandar da bar. 30 myń teńgege ıntımdik qyzmet kórsetken jigitter de ustaldy.
«Jedel aldyn alý sharasyn ótkizý nátıjesinde polıtsııaǵa ıntım jáne bodı-massaj qyzmetin kórsetetin 69 qyz ben 10 jigit, saýnalar men SPA-salondardyń 11 ákimshisi jetkizildi. Páterleri men kottejderdi jalǵa bergen menshik ıeleri aıyppul túrindegi jazaǵa tartyldy», - dep atap ótedi departamentten.
