Elordada ıntımdi qyzmet kórsetken massaj salony anyqtaldy
NUR-SULTAN. QazAqparat – Elordanyń polıtsııa qyzmetkerleri qaladaǵy kottedjderdiń birinde ıntımdi qyzmet kórsetgen massaj salonynyń jumys istep turǵanyn anyqtady, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.
Polıtsııa kelgen ýaqytta bógde adamdar úshin jabyq turǵan kottedjde 6 boıjetken bolǵan. Olardyń massaj salonynda ıntımdi qyzmet kórsetýdi usynatyny anyqtalǵan.
«Massaj salonynyń basqarýshysy Ákimshilik kodekstiń 450-baby (Kórineý jezókshelikpen aınalysý nemese jeńgetaılyq úshin úı-jaılar usyný) boıynsha ákimshilik jaýapkershilikke tartylyp, oǵan 100 AEK (277800 teńge) kóleminde aıyppul salyndy. Jınalǵan materıal osy kodekstiń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik is qozǵaý úshin Esil aýdandyq taýarlar men qyzmetterdiń sapasy jáne qaýipsizdigin baqylaý basqarmasyna joldandy», - dep habarlaıdy departamentten.
Nur-Sultan qalalyq polıtsııa departamenti karantın ýaqytynda jumysyna tyıym salynǵan oryndarǵa barýdyń qaýipti ekenin eskertedi. Quqyq qorǵaýshylar karantın sharalaryn saqtaý kerekigin eske salady.
