Elordada ınternet alaıaqtyq qylmysy ósýde
Nur-Sultan qalalyq polıtsııa departamentiniń málimetinshe, úsh aıdyń ishinde elordada 25 ınternet alaıaǵy ustalyp, qylmystyq jaýapkershilikke tartyldy. Alaıaqtardyń keltirgen shyǵyny 12 mln teńgeden asady. Ustalǵandardyń jasy 20 men 35 jas aralyǵynda. Olardyń biriniń 30 ret alaıaqtyq jasaǵany anyqtaldy. Kúdikti jeke jarnamalarǵa arnalǵan tanymal saıttardyń birinde habarlandyrý ornalastyryp otyrǵan. Aldyn ala tólemdi vırtýaldy kartaǵa aýdarýdy surap, taýardy eki kúnniń ishinde jetkizýge ýáde bergen. Biraq, aqsha kartasyna túskennen keıin habarlandyrýyn joıyp, telefonyn óshirip tastaǵan. Ol elordalyqtarǵa 2 500 000 teńge shyǵyn keltirgen. Qazirgi ýaqytta sotqa deıingi tergeý amaldary júrgizilip jatyr.
«Onlaın-saýda men qyzmetter túri tanymal bola túsýine baılanysty elordanyń barlyq turǵyny bank kartasyn ashtyrǵan. Biraq, barlyǵy birdeı, ásirese egde jastaǵy adamdar men zeınetkerler ınternet-bankıng pen onyń qyzmet múmkindikterin bile bermeıdi. Máselen, bank kartasynyń rekvızıtterin úshinshi tulǵalarǵa aıtsa nemese berse, onda qylmyskerler ınternet-bankıngtiń esepke alý jazbalaryna erkin kirip, esepshotty basqara alady», - dep atap ótedi vedomstvodan.
Osyǵan oraı Polıtsııa departamenti ınternet alaıaqtyqtyń keń taraǵan eskertip otyr. ıAǵnı, alaıaqtar áleýmettik jelide belgili bir taýardyń satylatyny týraly jalǵan habarlama ornalastyrady. Olardyń qatarynda uıaly telefondar, tondar, zergerlik buıymdar, kólik bólshekteri, avtomobılder bolýy múmkin. Ádette satyp alýshylar taýardyń ózge habarlandyrýǵa qaraǵanda baǵasynyń birshama tómendigine aldanyp qalady. Osy oraıda taýardy satyp alýǵa asyqpaý kerek. Aldymen taýardyń bar ekenine jáne onyń sapasyna kóz jetkizgen jón. Tipti satýshydan vıdeoqońyraý arqyly taýardy kórsetýdi de talap etý qajet.