Elordada «IntelHouse.EcoCity-2013» kórme-konferentsııasy uıymdastyrylady
ASTANA. 13 qarasha. QazAqparat - Elordada «EXPO-2017» halyqaralyq mamandandyrylǵan kórmesi qarsańynda energııa únemdegish tehnologııalar men jasyl ekonomıka salasyndaǵy túrli is-sharalar qolǵa alyndy. 20-22 qarashada Astanada álemniń jetekshi tehnologııalaryn usynatyn «IntelHouse.EcoCity-2013» kórme-konferentsııasy ashylady. Іs-shara atalǵan saladaǵy barlyq óndirýshiler men tutynýshylar úshin bıznes alańǵa aınalmaq.
Astana.kz saıtynyń jazýynsha, is-shara aıasynda kelýshilerdiń nazaryna qurylysqa, qaýipsizdik júıesine, jaryqtandyrýdy, klımatty basqarý júıesine arnalǵan ozyq júıeler men tehnologııalar, energııa únemdegish tehnologııalar, ǵımaratty basqarýdyń zııatkerlik júıeleriniń jańa tehnologııalyq sheshimderi usynylady.
Konferentsııa jumysyna jańa tehnologııalardy jasaý jáne engizýdegi álemdik kóshbasshylar qatysady, onda úılerdi jobalaý jáne salý salasyndaǵy álemdik tájirıbemen, jańartylatyn energııa kózderimen, turǵyn úı-kommýnaldyq sharýashylyqty jańǵyrtýmen tanysyp, kózben kórý múmkindigi týady.
Budan basqa, kórme aıasynda ótetin konferentsııaǵa qatysýshylar qurylys pen kez-kelgen maqsatta salynyp jatqan nysandardy jaraqtaýdyń jańa tehnologııalarymen tanysady. Aıta keteıik, is-shara barysynda mamandar «jasyl» qurylysqa, balama jáne jańartylatyn energııa kózderi men energııa únemdegish tehnologııalarǵa qatysty máselelerdi qarastyrady.
Eske salaıyq, «IntelHouse.EcoCity-2013» kórme-konferentsııasy 20-22 qarashada «Kórme» ortalyǵynda ótedi.
