Elordada ınnovatorlardy shyńdaıtyn «Market Tech» hakatony bastaldy
Techstars Startup Week Qazaqstan - álemniń ártúrli qalalarynda ótkizilip, jergilikti kásipkerlik birlestikterdi damytyp, jańa múmkindikterge jol ashý maqsatynda jas kásipkerlerdi, jergilikti kóshbasshylar men daryndy adamdardy biriktiretin biregeı shara.
«Memleket bizdiń sharaǵa qyzyǵýshylyq tanytady. Biz bir alańǵa jınala otyryp, sheteldik mamandar men kompanııa ókilderin shaqyryp, ınnovatsııalyq ekojúıeni qurýǵa atsalysamyz. Álbette, adamdardy ınnovatsııa qurýǵa májbúrleı almaımyz. Biraq, ol ispen aınalysatyn adamdarǵa suranys pen mamandardy tartý jaǵynan, memlekettik qoldaýdy qalaı alýǵa bolatyny jáne bıznespen qalaı aınalysý kerektigi jóninen kómektese alamyz. Mine, sol úshin osyndaı sharalar ótkiziledi», - deıdi «Astana Innovations» Basqarma tóraǵasy Oljas Sartaev.
Sonymen birge, «Astana Innovations» basshysy respýblıkamyzdyń ıntellektýaldyq áleýeti óte joǵary ekenin atap ótti. Qazaqstan fızıka, hımııa, matematıka, bıologııa pánderinen ótetin hayqaralyq olımpıadalardan árdaıym oryn alyp júr.
«Osyndaı jeńimpaz adamdardy durys ınfraqurylymmen qamtamasyz etip, bıznes quryp, naryqqa qalaı shyǵý kerektigin kórsetý kerek. Memleket pen jergilikti atqarýshy organdar da buǵan qyzyǵýshylyq tanytyp otyr», - deıdi Oljas Sartaev.
