Elordada Inchhondaǵy Para Oıyndar-2014 jeńimpazdaryna qurmet kórsetiledi
ASTANA. QazAqparat - Astanada Ońtústik Koreıadaǵy Inchhon qalasynda ótken jazǵy Azıada Para Oıyndar-2014 chempıondary men júldegerlerine qurmet kórsetý saltanatty rásimi ótedi.
QR Mádenıet jáne sport mınıstrligi baspasóz qyzmetiniń málimetinshe, osy shara aıasynda sportshylardyń qurmetine oraı bı fleshmoby uıymdastyrylmaq. Buǵan elordalyq joǵary oqý oryndarynyń 100 stýdenti qatysady dep kútilýde. QR Ulttyq mýzeıinde erteń ótetin marapattaý rásiminde sportshylarǵa medaldar, gramotalar, sondaı-aq otandyq sportty damytýdaǵy jetistigi men úlesi úshin qurmet belgileri tabystalady. Esterińizge sala keteıik, Para Oıyndardyń qorytyndysy boıynsha 84 sportshydan jasaqtalǵan qazaqstandyq qurama jalpy komandalyq esepte 11-shi oryn aldy. Atap aıtqanda, Qazaqstan qorjynyna 7 altyn, 6 kúmis jáne 11 qola medal tústi. ıAǵnı, 2006 jyldan bergi jazǵy Para Azıada oıyndary tarıhynda medaldardy rekordty kólemde ıelenip otyrmyz. Marapattaý rásimine QR Memlekettik hatshysy, QR Mádenıet jáne sport mınıstri, sondaı-aq sporttyq qoǵamdastyqtar ókilderi qatysady dep kútilýde.
