Elordada Ikram Adyrbekovtiń «Elshiniń jazbasynan» atty kitabynyń tanystyrylymy ótti
«Bizdiń basymyzdy biriktirgen táýelsizdik. Onyń jolynda qanshama azamatymyz kúresti. El bolyp etegimizdi jıǵaly biraz dúnıe atqaryldy. Táýelsizdik alǵan jyldary biz Elbasy Nursultan Nazarbaevtyń qasynda boldyq. Onyń sol kezdegi el bolashaǵy úshin qabyldaǵan basty sheshimderiniń kýási boldyq. Mine búgingi zalda sol zamanda el úshin eńbek etken jandar otyr. Sonyń biri baýyrymyz Ikram Adyrbekov te bar. Áriptesimiz qyzmeti týraly kúndelik jazyp shyǵypty. Ózimizde kezinde elshi bolǵandyqtan kúndelik jazý dástúri tanys. Jáne kúndelik jazǵan durys. Kitapty qarap shyqtym, barǵan elderdiń bárimen qarym-qatynasyń jaqsy bolǵan eken. Syıly azamat bolǵan ekensiń. Bul degenimiz elimizdiń mereıi», - dedi memleket jáne qoǵam qaıratkeri Myrzataı Joldasbekov tusaýkeser rásiminde.
Avtordyń aıtýynsha, týyndy da elshilik qyzmet kezinde ózi kýá bolǵan túrli sharalar men mańyzdy kezdesýlerdiń hattamadan tys qalǵan jaıttar men qyzyqty oqıǵalar baıandalǵan.
Sondaı-aq, shet memleketterde túrli sala boıynsha júrgizilgen ozyq reformalar men tájirıbeler týraly zertteýleri jáne avtordyń ómir joly tartymdy sýrettelgen.
«Elshiniń jazbasynan» kitaby qalyń oqyrmanǵa, dıplomattar men jastarǵa oqýǵa usynylady.
Elordadaǵy Ulttyq akademııalyq kitaphanada ótken shyǵarmanyń tanystyrylymyna elimizge belgili saıası jáne qoǵam qaıratkerleri, QR Senatorlar Keńesiniń músheleri, depýtattar, sheteldik dıplomattar qatysty.
