Elordada ıisshil ıt joǵalyp ketken 16 jastaǵy qyzdy taýyp aldy
NUR-SULTAN. QazAqparat – Saǵat 01:24-te elordanyń 42 jastaǵy turǵyny óziniń 16 jastaǵy qyzy úıden shyǵyp ketip, qaıta oralmaǵanyn aıtyp, polıtsııaǵa júgingen, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Qyzdy izdeýge polıtsııanyń jeke quramy, sondaı-aq «Felıks» esimdi arnaıy úıretilgen qyzmettik ıti bar kınologııalyq qyzmet qyzmetkeri jumyldyrylǵan.
It sanaýly mınýttarda qyzdyń izin taýyp, birneshe úıdi aralap, boıjetken men jigit birge turǵan kólikke alyp keldi. Tabylǵan qyz anasyna tapsyryldy.
ıÝvenaldy polıtsııa qyzmetkerleri kámeletke tolmaǵan balany profılaktıkalyq esepke aldy. Ata-analarmen áńgime júrgizildi. Anyqtalǵandaı, ol buryn da úıden ketip, biraq uzaq ýaqyttan keıin oralǵan.
Qyzmettik ıttiń arqasynda jasóspirim az ýaqyttyń ishinde tabyldy.
Aıta ketý kerek, «Felıks» atty ıt jaqynda qyzmetke kirgen.
Osy jyldyń qyrkúıek aıynyń basynda polıtsııa ıti balalar attraktsıondarynyń janynda joǵalyp ketken eki jasar balany taýyp alǵan bolatyn.
