Elordada II Ortalyq Azııa medıaforýmy ótedi

ASTANA. KAZINFORM – Bıyl 16 -17 sáýir kúnderi Ortalyq Azııa boıynsha medıa salasynyń mamandary Astanaǵa jınalady. Bul týraly Mádenıet jáne aqparat mınıstrligi habarlaıdy.

Forýmda Qazaqstan, Ózbekstan, Qyrǵyzstan, Ázerbaıjan, Tájikstan, Túrikmenstan, Ulybrıtanııa, Qytaı, Qatar, Reseı jáne basqa da elderdiń medıa salasynyń jetekshileri men sarapshylary bas qosady dep josparlanyp otyr.

- Eki kún boıy ótetin paneldik sessııalarda Ortalyq Azııa memleketteriniń BAQ-y úshin jańa damý múmkindikteri men yntymaqtastyq máseleleri, jahandyq medıanyń damýy, bolashaqtyń aqparattyq keńistigin qalyptastyrý, jasandy ıntellekt pen kóp derekter kezeńindegi medıanyń tsıfrlyq transformatsııasy, sondaı-aq el ımıdjin qalyptastyrýdaǵy áleýmettik jelilerdiń róli talqylanady, - delingen habarlamada.

Medıaforýmǵa 500-den astam qatysýshy (otandyq jáne sheteldik BAQ basshylary, ortalyq jáne jergilikti atqarýshy organdardyń baspasóz qyzmeti ókilderi, JOO stýdentteri, ınflıýenserler, medıa sarapshylar jáne t.b.) keledi. Olarǵa arnap Euronews, CNN, ıAndeks jáne basqa da jetekshi uıymdar mamandary sheberlik sabaqtaryn ótkizedi.

Sonymen qatar medıaforým aıasynda Ortalyq Azııa elderi aqparat mınıstrleriniń (ýákiletti tulǵalarynyń) kezdesýi josparlanǵan.

Medıaforýmǵa qatysý úshin saıtyna kirip, tirkeýden ótý qajet.

Eske salsaq, 2022 jyly Memleket basshysy Qasym-Jomart Toqaev Ortalyq Azııa medıa forýmynyń qatysýshylarymen kezdesken edi.