Elordada II Halyqaralyq kloýndar festıvali qatysýshylarynyń sherýi ótti
ASTANA. KAZINFORM – Elordada Balalardy qorǵaý kúnine oraı II Halyqaralyq kloýndar festıvali ótip jatyr. Іs-shara Nurjol jelekjolynda ártúrli elderdiń ónerpazdary qatysatyn kloýndar sherýimen bastaldy.
Festıval qatysýshylary «Báıterek» monýmentinen «Han Shatyr» SOSO-nyń qarsy betinde ornalasqan «Ǵashyqtar» parkine deıingi jelekjolmen júrip ótti. Merekelik is-shara Kazmedia Hall sahnasynda eń jas elordalyqtarǵa arnalǵan qaıyrymdylyq gala-kontsertpen aıaqtalady.
– Búgin 1 maýsym Halyqaralyq balalardy qorǵaý kúnine oraı elordadaǵy Báıterek monýmenti janynda jınaldyq. Óte keremet baǵdarlama uıymdastyrylǵan. Іs-sharany tamashalaýǵa kelgen qala turǵyndary men qonaqtary óte kóp. Bizben sýretke túsip, óte kóterińki kóńil kúıde júr, - dedi sherýge qatysqan Dilnaz Ertaeva.
Sherýge qatysqan Asqarbek Syrym da búgingi is-sharanyń óte joǵary deńgeıde uıymdastyrylǵanyn aıtyp, jetkinshekterdi merekelerimen quttyqtady.
–Ata-analarymyzdyń arqasynda búgin tamasha is-sharaǵa kýá bolyp jatyrmyz. Kloýndar festıvali aıasynda ónerpazdar túrli ónerlerin kórsetip, bizdi tánti etti. Búgin osy jerge kelip olardyń ónerin kórgenime qýanyshtymyn, - dedi elordalyq oqýshy Ámiráli.
Aıta keteıik, festıvalge Qazaqstan, Italııa, Ispanııa, Reseı men Belgııa ónerpazdary qatysady. Onda tanymal Mutyrǵanovtar otbasy, tarazdyq klonýdar, Sankt-Peterbor qalasynan kelgen «Lıtsedeı» tıeatrynyń ártisteri, ıspandyq Hýgo Sanches, ıtalııalyq jup Dennı men Dıvo, belgııalyq Barto kloýny óner kórsetedi.