Elordada ıesiz ıtter men mysyqtardyń jármeńkesi ótedi
NUR-SULTAN. QazAqparat - 27 shilde kúni «Astana» kontsert zaly aımaǵynda ıesiz qalǵan ıtter men mysyqtardyń «Vozmı menıa domoı» atty kórme-jármeńkesi ótedi, dep habarlaıdy qalalyq ákimdiktiń baspasóz qyzmeti.
Bastalýy saǵat 12.00-de. Shara uıymdastyrýshylary — Nur-Sultan qalasy Qalalyq orta sapasy jáne baqylaý basqarmasy, «Astana vetservıs» KM jáne janaýlardyń quqyǵyn qorǵaıtyn qoǵamdyq uıymdar ókilderi. Bul kórme-jármeńke maqsaty – sharadaǵy ıt pen mysyqtarǵa senimdi qojaıyn taýyp, azamattardyń ıesiz qalǵan janýarlar máselelesine nazaryn aýdartý.
Kórme–jármeńkede súıkimdi mysyqtar jáne aqyldy ıttermen jaqynyraq tanysyp, unaǵanyn ózimen alyp ketýge múmkindik bar. Sondaı aq, munda qaraýsyz qalǵan janýarlarǵa arnalǵan ýaqytsha baspanada ıesin kútip otyrǵan ózge de janýarlarynyń sýretteri qoıylady.
Osylaısha, shara qatysýshylary súrettegi tórt aıaqty dostaryn Aqsúmbe oramy, 1 úıde ornalasqan ýaqytsha baspanadan alyp kete alady. Qańǵybas jáne qaraýsyz janýarlarǵa arnalǵan ýaqytsha baspana 2017 jyldan bastap jumys istep keledi.
Qaladaǵy janýarlarǵa arnalǵan eń úlken ýaqytsha baspana osy. Bul jerdi 700-ge jýyq ıt, 60-tan astam mysyq pana etken. Atalǵan janýarlardyń barlyǵy karantın, vaktsınatsııalaýdan ótip, mal dárigeri mamanynyń baqylaýynda.
