Elordada ıesiz ıt-mysyqtardyń kórme-jármeńkesi ótti
NUR-SULTAN. QazAqparat – Elordada ıesiz ıtter men mysyqtardyń kórme-jármeńkesi ótti, dep habarlaıdy QazAqparat.
Shara maqsaty – úı janýarlaryna senimdi qojaıyn taýyp, bul máselege azamattardyń kóńilin aýdartý.
Kelýshilerdiń nazaryna 25 ıt pen 15 mysyq usynyldy. Sondaı aq, ýaqytsha baspanadaǵy ıesiz ózge de janýarlardyń sýretteri kórsetildi.
Aıta keteıik, mundaı jármeńke elordada ekinshi ret uıymdastyrylyp otyr. Ótken jolǵy shara nátıjesinde qaraýsyz qalǵan 60 ıt pen mysyq jańa ıesin tapty.
Nur-Sultan qalasynda qańǵybas jáne qaraýsyz qalǵan janýarlarǵa arnalǵan ýaqytsha baspana 2017 jyldan beri jumys istep keledi. Bul jerdi 700-ge jýyq ıt, 60-tan astam mysyq pana etken. Atalǵan janýarlardyń barlyǵy karantın, vaktsınatsııalaýdan ótip, búginde veterınarlardyń baqylaýynda.
Shara uıymdastyrýshylary - «Nur-Sultan qalasy Qalalyq orta sapasy jáne baqylaý basqarmasy» MM, «Astana vetservıs» KM jáne janaýlardyń quqyǵyn qorǵaıtyn qoǵamdyq uıym ókilderi.
