Elordada HQO-lar senbi kúni de jumys isteıtin boldy
Endi olar qyzmet alýshylardy dúısenbi-juma kúnderi aralyǵynda 09.00-den 20.00-ge deıin jáne senbi 09:00-den 18:30-ge deıin qabyldaıdy. Degenmen, qujattandyrý bólimi (jeke kýálik, pasport) jumys kúnderi 09:00-den 18:30-ǵa deıin jáne senbi 09:00-den 14:00-ge deıin qyzmet kórsetedi.
Esterińizge sala ketsek, budan buryn elordalyqtar HQO-ǵa tek dúısenbi-juma aralyǵynda júgine alatyn. Sol sebepti osy kúnderi jumys isteıtin azamattardyń jumystan tys ýaqytty tańdaý múmkindigi shekteýli boldy. Qyzmet kórsetý ýaqytynyń uzarýy memlekettik qyzmet kórsetý protsesin birqalypty etip, elorda turǵyndarynyń suranysyna jaýap berýge múmkindik beredi.
Al avtoHQO-nyń jumys ýaqyty ózgerissiz qaldy. Kólik qujattary jumys jáne senbi kúnderi 09.00-den 18:00-ge deıin qabyldansa, daıyn qujattar 09.00-den 20.00-ge deıin beriletin bolady.
Sondaı-aq, áli de karantın talaptaryn saqtaý suralatyndyqtan, HQO-da aldyn ala brondaý arqyly tek qana qaǵaz júzinde usynylatyn qyzmetter kórsetiledi. Qyzmet alýshylar HQO-daǵy kezek ýaqytyn egov.kz portaly, eGovKzBot2.0 telegram-boty jáne 1414 nómiri arqyly brondaı alady.
