Elordada hırýrgııalyq operatsııa barysy translıatsııalanady
ASTANA. 19 tamyz. QazAqparat - Elordada Qazaqstannyń qan tamyrlary hırýrgteri qoǵamynyń birinshi sezine qatysýshylar júrgizilip jatqan ota barysyn «Tilep Qobyz» saraıynyń zalynda baqylaı alady. Bul týraly astana.kz saıtyna Respýblıkalyq jedel medıtsınalyq járdem ǵylymı ortalyǵynan habarlady.
22-24 tamyzda Astanada № 1 qalalyq emhana men Respýblıkalyq jedel medıtsınalyq járdem ǵylymı ortalyǵynyń bazasynda sheberlik synyptary men operatsııalar ótkiziledi. Sez jumysyna Reseı, Ózbekstan, Lıtva, Izraıl, Germanııa jáne Qazaqstan elderiniń halyqaralyq sarapshylary qatysady. Qazaqstannyń qan tamyrlary hırýrgteri qoǵamynyń alǵashqy sezi túrli emdeý ádisteriniń nátıjelerin baǵalaýǵa jáne salystyrýǵa, qan tamyrlary aýrýlaryn emdeýdiń jańa ádis-tásilderimen, strategııasymen jáne taktıkasymen tanysýǵa múmkindik beredi. Atalǵan is-shara barysynda qazaqstandyq jáne sheteldik jetekshi mamandardan shynaıy aqparat alyp, teorııalyq jáne is júzinde tájirıbe almasýǵa bolady.
