Elordada Hilton Garden Inn Astana qonaq úıi ashyldy
Astana qalasynyń halyqaralyq áýejaıynan 15 shaqyrym jerde, bas qalamyzdyń qaq ortasynda ornalasqan Hilton Garden Inn Astana qonaq úıiniń meımandary odan «Han Shatyr» oıyn-saýyq ortalyǵyna, úkimettik jáne memlekettik mekemelerge, iskerlik bıznes ortalyqtaryna ońaı ári jyldam jete alady. Bes ámbebap konferents-zal men táýlik boıy jumys isteıtin bıznes-ortalyǵyn, barlyq aýmaǵynda tegin Wi-Fi qamtyǵan bul saltanatty qonaq úı óziniń zamanaýı fýtýrıstıkalyq sáýletimen jaqsy tanymal bolǵan Astanaǵa kelýshiler úshin minsiz qyzmet kórsetetin jaıly turaqtaý orny bolmaq.
«Astananyń álemdik sahnadaǵy bedeli onyń órkendep kele jatqan isker qaýymynyń, sondaı-aq ózine jyl saıyn 10 000 qatysýshy keletin Astanalyq ekonomıkalyq forýmnyń ótkizilýiniń arqasynda artyp keledi. Biz sapaly qonaq úı qyzmetterine degen ósip kele jatqan suranysty eskere otyryp, Hilton Garden Inn Astana qonaq úıin ashýǵa qýanyshtymyz», - dedi Hilton Worldwide kompanııasynyń Eýropa, Taıaý Shyǵys jáne Afrıka óńiri boıynsha prezıdenti Saımon Vınsent.
Hilton Garden Inn qonaq úıiniń basshysy Adrıan Kýrrdyiń aıtýynsha, qonaq úıde jaıly jáne qolaıly túrde turýdyń dúnıejúzine tanymal standarty usynylatyn bolady, meımandarǵa tegin qyzmet kórsetetin táýlik boıy jumys isteıtin fıtnes-ortalyǵy qonaq úıde turý kezde sergek sporttyq kúıde júrýge jaǵdaı týdyrady.
