Elordada HII Delfıı oıyndarynyń jeńimpazdary marapattaldy
ASTANA. QazAqparat - Birneshe kún boıy 10-25 jas aralyǵyndaǵy jas daryndar ózara jarysty. Bul joly Delfıı oıyndary «Bolashaqqa táýelsizdikpen!» uranymen ótti, dep habarlady qala ákiminiń resmı saıty.
Qazylar alqasynyń sheshimimen Aıda Qajmahannyń beınerolıgi úzdik dep tanyldy. Al Irına Gýraeva kreatıvti sýret jasaǵan. Jansaıa Bespaıdyń «Tumar Hanym» kollektsııasy erekshe atap ótildi.
«Prıma qobyz» atalymyndaa Nargız Baqtyǵalıeva top jarsa, dombyrada oınaǵan Asanáli Áshimov pen Tabys Qudaıbergen kópshilikti tánti etti. Fortepıanoda Marııa Shavtelskaıa úzdik atandy. «Nomad» bı ansambli jáne «Samuryq» bı mektebi «Halyq bıi» atalymynda kósh bastady.
Oıyndar aıasynda mýzyka jekpe-jekter ótkizildi. Halyq ánderin oryndaýda Marjan Ábdirahmanova jáne Nábıra Raqymjan úzdik boldy. «Estradalyq án» atalymynda Áıgerim Rýslanova jeńip shyqty, akademııalyq án salýda ádil qazylar alqasyn Talǵat Allabırınov pen Qudaıbergen Ábildın tańǵaldyrdy. Mıshel Sloboda úzdik dıdjeı atandy.
Bıyl alǵash ret «Ymdaý tili áni» atalymy engizildi. Oǵan 16-dan 25 jasqa deıingi Astana turǵyndary qatysyp, Almat Teńizbaı jeńiske jetti.
«Teatr» atalymy qatysýshylardyń da, kórermenderdiń de qyzyǵýshylyǵyn oıatty. Qazaq ulttyq óner ýnıversıtetiniń «Drama teatry jáne kınoakter» mamandyǵy boıynsha stýdentteri eń úzdik qoıylym kórsetti. «Beıneleý óneri» sanatynda Dáýlet Dosmaǵanbetov jeńiske jetti.
Barlyǵy konkýrsqa 200 astanalyq qatysty. Oıyndar jas talanttardy anyqtaýǵa jáne damytýǵa, óskeleń urpaqty estetıkalyq tárbıeleýge kómektesedi, tulǵanyń rýhanı qalyptasýyna qoldaý kórsetedi.
