Elordada «Han Shatyr» mańynan «Astana» klýbynyń fýtbol akademııasy salynatyn bolady
ASTANA. QazAqparat - Elordada «Han Shatyr» mańynan «Astana» klýbynyń fýtbol akademııasy salynatyn bolady. Bul týraly búgin «Ekspert» sarapshylyq klýbynyń otyrysynda «Astana» klýbynyń bas menedjeri Qaısar Bekenov málim etti.
«Bir qupııanyń syryn ashaıyn, biz ózimizdiń bazamyzdyń, fýtbol akademııamyzdyń qurylysy jónindegi kelissózderdi aıaqtap qaldyq. Astana ákimi Ádilbek Jaqsybekov Han Shatyr artynan jer taýyp berýge de yqpal jasady. 8,5 gektar jer bólindi», - deıdi bas menedjer.
Onyń sózine qaraǵanda, bul jobaǵa qarajattyń edáýir bóligi demeýshilerden alynady, «Samuryq-Qazyna» qorynyń úlesi neǵurlym azaıtylady.
«Samuryq-Qazyna» qory óziniń «Bi-Group» kompanııasymen demeýshilik týraly kelisimin paıdalana otyryp, kelesi jyly jobalaý jumystaryn bastaýǵa múmkindik bolady dep oılaımyn. «Samuryq-Qazyna» tarapynan qarajattyń bólinýi neǵurlym az bolady. Negizinen ol demeýshilerdiń esebinen qarjylandyrylmaq», - dep atap ótti ol.
