Elordada halyqtan qarý-jaraq satyp alý aktsııasy bastalady
ASTANA. 27 tamyz. QazAqparat - Astanada halyqtan zańsyz saqtalyp turǵan qarýdy, oq-dárilerdi jáne jarylǵysh zattardy satyp alý aktsııasy bastaldy. Bul týraly qalalyq ІІD baspasóz qyzmetinen habarlady.
«Elordalyq polıtsııa qyzmetkerleri 1-30 qyrkúıek aralyǵynda halyqtan zańsyz saqtalatyn qarýdy, oq-dárilerdi jáne jarylǵysh zattardy satyp alý aktsııasyn ótkizedi», - delingen seısenbi kúni taratylǵan aqparatta.
Elordanyń resmı saıtynyń jazýynsha, bir aı boıy qarý-jaraq zattaryn óz erkimen tapsyrǵan qala turǵyndaryna bir qarý úshin onyń túrine qaraı 10-100 aılyq eseptik kórsetkish kóleminde aqshalaı qarajat tólenedi.
Vedomstvonyń atap ótýinshe, tirkelmegen qarýdy, oq-dárilerdi jáne jarylǵysh zattardy óz erkimen tapsyrǵan adamdar qylmystyq jáne ákimshilik jaýapkershilikten bosatylady.
