Elordada halyqqa arnalǵan qarjy ónimderiniń «Investfunds Expo-Weekend-2010» kórmesi ashyldy
STANA. Sáýirdiń 9-y. QazAqparat /Marlan Jıembaı/ - Elordadaǵy «Azııa park» saýda-oıyn saýyq ortalyǵynda halyqqa arnalǵan qarjy ónimderiniń «Investfunds Expo-Weekend-2010» kórmesi ashyldy.
Shara barysynda sóz alǵan Almaty qalalyq óńirlik qarjy ortalyǵynyń qyzmetin retteý agenttigi tóraǵasynyń orynbasary Darhan Nurpeıisov, bul kórmeniń negizgi maqsaty halyqty qarjy uıymdarynyń qyzmetimen tanystyrý, qor naryǵyndaǵy jeke ınvestıtsııalaý tetikterin ajyrata bilýge kómektesý ekendigin atap ótti.
«Bizdiń mindetimiz - naryqtaǵy qarjylyq quraldar men qyzmetterdi baıypty túrde qoldanýǵa úıretý. Óıtkeni búkil halyqtyń qarjylyq saýattylyǵy elimiziń ekonomıkalyq ósiminiń negizi bolyp tabyldy», deıdi ol.
Bul kórme ál-aýqatyn arttyrýǵa, maqsattaryn júzege asyrýǵa múmkindik beretin qarjylyq quraldardy tabýǵa nıetti kez kelgen qarapaıym azamatqa arnalǵan. Odan elordalyq turǵyndar qarjy naryǵyna qatysty tolyq aqparat alyp, ózderin tolǵandyryp júrgen saýaldarǵa sarapshylar tarapynan jaýap ala alady.
Kórmege 10-ǵa jýyq brokerlik jáne basqarýshy kompanııalar, Almaty qalalyq óńirlik qarjy ortalyǵynyń akademııasy, Jeke ınvestorlar klýby qatysýda. Atalǵan shara sáýirdiń 11-ine deıin jalǵasady.
