Elordada halyqaralyq tennıs týrnıri márege jetti
NUR-SULTAN.QazAqparat – Elordada tennısten jasóspirimder arasynda J3 Nur-Sultan Open dodasy óz máresine jetti, dep habarlaıdy QazAqparat Qazaqstan tennıs federatsııasynyń baspasóz qyzmetine silteme jasap.
Álemniń úzdik jas tennısshileri qatysqan baıraqty báseke búgin aıaqtaldy. 5 kúnge sozylǵan halyqaralyq tennıs jarysyn Halyqaralyq tennıs qaýymdastyǵy men Qazaqstan tennıs federatsııasy birlesip uıymdastyrdy.
Jekeleı synda qyzdar arasynda Qazaqstan quramasynyń ókili Tatıana Nıkolenka fınalda komandalasy Arýjan Saǵyndyqovamen kezdesti. Kezdesý 6/4, 6/3 esebimen Tatıana Nıkolenkonyń paıdasyna aıaqtaldy. Uldar arasynda reseılik Mıhaıl Gorohov otandasy Maksım Jýkovpen fınalda óner kórsetti. Nátıjesinde 6/1, 6/2 esebimen Mıhaıl Gorohov jarys jeńimpazy atandy.
Aıta keteıik, týrnıge AQSh, Germanııa, Reseı, Ózbekstan, Belarýs jáne Ýkraınanyń úzdik jasóspirim tennsshileri keldi. Qazaqstan namysyn elimizdiń jas sportshylary – Nıkolenko Tatıana, Karlova Elızaveta, Saǵyndyqova Arýjan, Ozernoı Danıl, Haırýtdınov Artýr jáne basqalar qorǵady.
Jarys jeńimpazdary ITF jasóspirimder reıtınginde 100 upaı ıelendi.
