Elordada Halyqaralyq taekvando ortalyǵy ashyldy
STANA. Tamyzdyń 4-i. QazAqparat /Jasulan Amanbaıuly/ - Búgin Astanadaǵy Qazaq Gýmanıtarlyq Zań ýnıversıtetinde professor M. Nárikbaev atyndaǵy Halyqaralyq taekvando ortalyǵy ashyldy,
dep habarlaıdy QazAqparat.
Shyǵys jekpe-jegine degen erekshe yntanyń arqasynda Koreıanyń taekvando federatsııasy M. Nárikbaevqa sporttyń osy túri boıynsha 7-shi dan ıegeri ataǵyn berdi. Sońǵy jyldarda sport áleminde tıesili oryn alyp kele jatqan taekvondo óneri Qazasqtanda da qarqyn alyp keledi.
«Ortalyqtyń eń basty maqsaty - halyqaralyq dárejede taekvando qozǵalysynyń damýyna jaǵdaı jasap, azamattardyń salaýatty ómir saltyn saqtap, sportpen shuǵyldanýyna jaǵdaı jasaý. Sonymen qatar denesin shynyqtyryp, rýhanı damyp, tulǵa retinde qalyptasýyna úles qosý», deıdi M. Nárikbaev.
Onyń qyzmetindegi barlyq uıymdastyrýshylyq jumysty Astanadaǵy Koreıa Ulttyq ortalyǵy júrgizetin bolady.
«Bıyl Qazaqstan jerinde alǵash ret taekvandodan Azııa chempıonaty ótkizildi. Onda qazaqstandyq sportshylar altyn medaldardy jeńip aldy. Menińshe ortalyqtyń ashylýy eldegi sporttyń damýyna jáne sportshylardyń halyqaralyq dodalarda, olımpıada oıyndarynda úlken jetistikterge jetýlerine úlesin tıgizedi», dedi Ońtústik Koreıanyń Qazaqstandaǵy Tótenshe jáne Ókiletti Elshisi Lı Ben-Hva
2000 jyly Sıdneıde ótken Olımpıada oıyndarynda taekvando olımpıadalyq sport túri dep tanylǵan bolatyn. Qazirgi ýaqytta bul sportpen álemniń 191 elinde 70 mıllıonnan astam adam shuǵyldanady. Shyǵys jekpe-jekteri arasynda taekvando tarıhy tereń eń kóne sport túrine jatady. Ol tek deneni shynyqtyryp qana qoımaı, adamnyń aqyl-parasatyn jetildiredi.
