Elordada halyqaralyq Mendeleev olımpıadasy ótedi
ASTANA. QazAqparat - Aǵymdaǵy jyly Qazaqstanda hımııa páninen Mendellev halyqaralyq olımpıadasy ótedi, dep habarlaıdy QazAqparat.
«Hımııa pánine qyzyǵýshylyq tanytqan daryndy oqýshylarymyzdyń halyqaralyq jarystar men olımpıadalardaǵy jeńisterin basshylyqqa ala otyryp, Uıymdastyrý komıtetiniń sheshishimen, Qazaqstan 2017 jyly 51-shi Halyqaralyq Mendeleev olımpıadasyn ótkizýshi el múmkindigin aldy. Osy rette hımııadan 51-shi Halyqaralyq Mendeleev olımpıadasyn ótkizý aıasynda «Astana daryny» óńirlik ǵylymı-praktıkalyq ortalyǵy «KAZBILIM» ortalyǵymen birlese otyryp, aǵymdaǵy jyldyń naýryz aıynyń 2-3 kúnderi Astana qalasy №73 mektep-lıtseıinde jalpy orta bilim berý mekemeleriniń 8-10 synyp oqýshylary arasynda hımııa páninen qalalyq olımpıadasyn uıymdastyrdy», - delingen Astana qalalyq Bilim basqarmasy taratqan aqparatta.
Vedomstvo málimetinshe, mektepishilik Olımpıadaǵa hımııa pánine qyzyǵýshylyq tanytqan Astana qalasy bilim berý mekemeleriniń 8-10 synyp oqýshylary qatysyp, al qalalyq kezeńine tek qana 1-shi oryndy ıelengen 155 oqýshy joldama aldy. Olımpıada teorııalyq jáne tájirıbelik týrdan turady.
«Olımpıadaǵa kelgen oqýshylar mektepterdiń statýsyna jáne buryn kórsetip júrgen nátıjesine baılanysty joǵary jáne tómen bolyp eki lıgaǵa bólindi. Qazylar alqasynyń quramyna Astana qalasy joǵary oqý oryndarynyń ǵalymdary men kásibı sheber joǵary sanatty mamandandyrylǵan bilim berý mekemeleriniń hımııa páni muǵalimderi tartyldy», - dep atap ótti Bilim basqarmasynan.
