Elordada halyqaralyq izdeýde júrgen qaýipti qylmysker ustaldy

NUR-SULTAN. QazAqparat – Nur-Sultan qalasynda «Mıgrant» jedel-aldyn alý sharasyn ótkizý barysynda Reseı Federatsııasynyń 36 jastaǵy azamaty ustaldy, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Ustalǵan er adam 2015 jyly Ingýshetııa Respýblıkasynyń aýmaǵynda tonaýshylyq jasaǵany úshin aıyptalyp otyr.

Túngi ýaqytta bir top adam Nazran qalasyndaǵy 52 jastaǵy turǵynnyń úıine basyp kirip, oǵan kúsh qoldanamyz dep qorqytyp, úıin tonap ketken.

Qara kıim kıip, betin búrkegen shamamen alty adamnan turatyn qylmyskerler tobynyń qolynda qarý-jaraq bolǵan.

Olar jábirlenýshiniń 3 mln 600 myń rýbl kóleminde aqshasyn, altyn buıymdar, baǵaly zattaryn alyp, oqıǵa ornynan izin jasyrǵan.

Atalǵan fakti boıynsha Reseıdiń Ingýshetııa Respýblıkasy ІІM RF Qylmystyq kodeksiniń 162-babymen (tonaýshylyq) qylmystyq is qozǵady.

Ustalǵan azamatqa 2017 jyldan beri memleketaralyq izdeý jarııalanǵan.

Er adamnyń Qazaqstanǵa 2015 jyldyń qazan aıynda kelip, sol kezden beri alys týysynyń qolynda beıresmı jumys istegeni anyqtaldy.