Elordada halyqaralyq ekologııalyq kongress ótedi
NUR-SULTAN. QazAqparat – Elordada 3 maýsym kúni «Bolashaqtyń baǵdary – turaqtylyq!» atty «ECOJER» Halyqaralyq kongresi ótedi, dep habarlaıdy QazAqparat tilshisi.
«ECOJER» qaýymdastyǵynyń málimetinshe, birinshi Halyqaralyq ekologııalyq kongress «Bolashaqtyń baǵdary – turaqtylyq!» uranymen Qazaqstan Táýelsizdiginiń 30 jyldyǵy aıasynda uıymdastyrylady. QR Ekologııa, geologııa jáne tabıǵı resýrstar mınıstrliginiń qoldaýymen ótetin is-shara Dúnıejúzilik qorshaǵan ortany qorǵaý kúni qarsańynda ótedi.
Kongrestiń maqsaty - ekologııa, turaqty damý, «jasyl» ınvestıtsııalar úlesin arttyrý, ekologııalyq mádenıet pen qoǵamnyń habardarlyǵyn arttyrý máseleleri boıynsha usynystar men usynymdar ázirleý úshin barlyq múddeli taraptardyń kúsh-jigerin biriktirý jáne tájirıbe almasý.
Іs-sharaǵa mınıstrlikterdiń ókilderi, QR Parlamentiniń depýtattary, ónerkásiptik kásiporyndardyń basshylary, eko-belsendiler, halyqaralyq damý ınstıtýttarynyń ókilderi jáne basqalar qatysady. Kongress barlyq sanıtarlyq-epıdemıologııalyq talaptardy qatań saqtaı otyryp uıymdastyrylady.
