Elordada Halyqaralyq áıelder kúni qandaı sharalar ótedi
ASTANA. QazAqparat - Halyqaralyq áıelder kúnine oraı mádenıet, bilim, sport mekemelerinde, elordanyń kontsert alańdarynda ondaǵan túrli merekelik is-shara ótedi. Sondaı-aq osy kúnderi qalada túrli qaıyrymdylyq aktsııalary ótip jatyr, dep habarlaıdy Astana ákimdiginiń resmı saıty.
3-10 naýryz aralyǵynda Sáken Seıfýllın murajaıynda «Sáken súıgen arýlar» kórmesi ótip jatyr.
5 naýryzda «Aqjol» aýla klýbynda Balalar shyǵarmashylyǵy kórmesi men kontserttik baǵdarlama uıymdastyrylady.
6 naýryz kúni saǵat 11:00-de «Nursáýlet» BO-da Baıqońyr aýdanynyń belsendi áıelderiniń qatysýymen «Álem áıeldermen ásem» merekelik is-sharasy ótedi.
Sol kúni qala mektepterinde sheberlik synyptary, ádebı kezdesýler, kórmeler jáne t.b. ótkiziledi. Al Ál-Farabı atyndaǵy Oqýshylar saraıynda osy kúni saǵat 19:00-de Woman’s day áıelder forýmy ótedi. Al M.Ótemisov atyndaǵy Oqýshylar saraıynda kópbalaly analar úshin «Kóktem syıy» atty merekelik kontsert uıymdastyrylady.
«Úmit» daǵdarys ortalyǵynda «Kóńildi Start» sporttyq is-sharasy ótedi.
7 naýryzda «Januıa» otbasy ınstıtýtyn qoldaý ortalyǵynda qalanyń túrli salalarynda jumys isteıtin áıelderdi «Shýaqty kóktem» atty marapattaý rásimi ótedi. Munda kópbalaly analar saltanatty túrde «Altyn alqa», «Kúmis alqa» alqalarymen marapattalady.
Qaladaǵy balabaqshalarda bul kúni «Juldyzym jarqyra» erteńgilikteri, al «Atameken «Qazaqstan Kartasy» etno-memorıaldyq kesheninde» «Álemdi terbetken áıelder» atty saltanatty kesh ótedi.
7 naýryz kúni keshki saǵat 19:00-de «Naz» memlekettik bı teatrynda «Jan ana» atty kontsert uıymdastyrylady.
7 naýryz kúni Baıqońyr aýdanynyń ákimdiginde muǵalimderdi, kitaphanashylardy, quqyq qorǵaý organdary men medıtsınalyq qyzmet ókilderin merekemen quttyqtaý is-sharasy ótedi. Sol kúni keshki saǵat 19:00-de «Jastar» teatry N.Jaqypbaıdyń «Janarymdaǵy jalǵyz áýen» atty teatrlandyrylǵan kontserttik baǵdarlamasyn daıyndaıdy.
Mereke kúnderi – 6, 7, 8 naýryz kúnderi qala kóshelerinde názik jandylarǵa arnap qyzǵaldaq taratý aktsııasy ótedi.
7 jáne 8 naýryzda qalada «Qamqorlyq mekenjaıy» aktsııasy aıasynda kópbalaly analarǵa, jalǵyzbasty qarttarǵa azyq-túlik sebetteri taratylady. Sondaı-aq Uly Otan soǵysynyń tyl ardagerlerin quttyqtaıtyn bolady.
7 naýryzda «ALJIR» memorıaldyq-murajaı kesheninde «Ana – ómirdiń gúli» kórmesi uıymdastyrylady. Birden eki premerany osy kúni Mýzykalyq jas kórermen teatry usynady: saǵat 16:00-de – «Gaýhartas», saǵat 19:00-de – «Mahabbat bar ma?».
Bilim berý uıymdarynda «Naýryz marjandaryn, anama arnaımyn» quttyqtaý chellendji iske qosylady, oǵan ákeler, atalar, balalar, nemereler, ujymdar jáne t.b. qatysa alady.
Nomad City Hall sahnasynda 9 jáne 10 naýryz kúnderi mereke qurmetine «Kishkentaı hanzada» spektakliniń premerasy ótedi.
11 naýryz kúni saǵat 12:00-de E. Rahmadıev atyndaǵy Memlekettik akademııalyq fılarmonııada «Super Áje» baıqaýy ótedi.
Naýryz aıynda qala kitaphanalarynda shyǵarmashylyq kórmeler, konkýrstar, ádebı ekspozıtsııalar jáne t.b. ótedi.
