Elordada Halyqaralyq «Astana keshteri» óner festıvali ashylmaq
ASTANA. 27 maýsym. QazAqparat - 27-29 maýsym aralyǵynda Astana qalasynyń Beıbitshilik saraıynda II Halyqaralyq «Astana keshteri» óner festıvali aıasynda klassıkalyq ánderdiń reseılik jáne qazaqstandyq sheberleriniń úsh qaıyrymdylyq kontserti ótedi.
Festıvaldi Darıǵa Nazarbaeva «Astana» estradalyq-sımfonııalyq orkestriniń súıemeldeýimen qazaq halqynyń ánderimen ashady. Sonymen qatar, ataqty reseılik «Kvatro» ujymymen birge án shyrqaıdy.
"Astana keshteri" festıvali Darıǵa Nazarbaevanyń patronajymen elordada qatarynan ekinshi jyl ótkizilýde. Bunyń aldyndaǵy festıvalǵa 4 myńnan astam adam qatysqan. Bıyl Beıbitshilik jáne kelisim saraıynda ótetin mádenı shara dál sondaı kóp kórermen jınaıdy dep senemin. Kontsert halyq úshin - tegin", - dedi festıval aldynda ótken baspasóz máslıhatynda QR halyq ártisi, QR Ulttyq óner ýnıversıtetiniń rektory Aıman Musaqojaeva.
Festıvaldiń ekinshi kúni tyńdarmandardy orys romanstary kútedi. Bul lırıkalyq án janryn peterborlyq romans juldyzdary, Marıı teatrynyń solısteri - Galına Kovzel (soprano), Vladımır Samsonov (barıton), Irına Mataeva (soprano), Evgenıı Akımov (tenor) usynady.
Úshinshi kúngi kesh qazaqstandyq jáne reseılik sheberlerdiń oryndaýynda klassıkalyq ánderdiń basyn qosady. Memlekettik «Solıster akademııasy» kamerlyq orkestriniń súıemeldeýimen, tanymal reseılik dırıjer Evgenııa Býshkovtyń jetekshiligimen QR halyq ártisi Aıman Musaqojaeva (skrıpkashy), QR eńbek sińirgen qaıratkeri Tımýr Ormansheev, (fortopıano), halyqaralyq konkýrstyń jeńimpazy Denıs Shapalov (vıolonchel, Reseı) óner kórsetedi. Óner maıtalmandary Chaıkovskıı, Bah, Bethoven shyǵarmalaryn oryndaıdy.
Keshti Reseıdiń halyq ártisi Svıatoslav Belza júrgizedi.
«Bul kontsertter Astana kúniniń mereıtoıyn toılaýda merekelik kóńil-kúı syılaıdy jáne onyń mádenı jaǵdaıyna qyzmet etedi. Álemdik mádenı jaýharlarǵa tánti bolýǵa asyqqan tyńdarmandar úshin klassıkalyq ándi shyrqaý men úshin úlken abyroı»,- dep atap ótti Qazaq ulttyq óner ýnıversıtetiniń rektory Aıman Musaqojaeva.
Sharany uıymdastyrýshy «Degdar» gýmanıtarlyq qory jáne JTI kompanııasy ókilderiniń pikirinshe, bıylǵy festıval ánniń eń jarqyn merekesine aınalatynyna jáne Astana mereıtoıyna laıyqty syı bolmaq.
Kontsertke kirý tegin, án keshine shaqyrtýdy UOS ardagerleri jáne múmkindigi shekteýli jandar aldy. Tegin bıletter Beıbitshilik jáne kelisim saraıynyń kassasynda taratylady.
