Elordada Halyqaralyq art-forým ótedi
ASTANA. 13 qarasha. QazAqparat - VII Halyqaralyq «Qulanshy» art-forýmy 15 qarashada elordadaǵy Beıbitshilik pen kelisim saraıynda ashylady, dep habarlady Astana qalasynyń resmı saıty.
Kórmeniń uıymdastyrýshylary - «Qulanshy» zamanaýı óner ortalyǵy. Jyl saıyn atalǵan art-forýmǵa álemniń túrli elderinen sýretshiler, músinshiler men dızaınerler qatysady.
Bıylǵy jyly kórmege túrli: keskindeme sýretter, kompıýterlik grafıka men músin óneri tehnıkasynda oryndalǵan Qazaqstan, Italııa men Ázirbaıjan qylqalam sheberleriniń jumystary qoıylatyn bolady.
Erekshe qyzyǵýshylyq týǵyzatyn ıtalıandyq sýretshi Ron dı Stsenzdiń «Qarańǵyda bıleý» kartınalar serııasy bolmaq. «Polotnonyń sheber oryndalǵandyǵy sonshalyq, birinshi qaraǵanda ol kórermenge fotografııa sııaqty kórinýi múmkin», - deıdi kórmeni uıymdastyrýshylar.
Ázirbaıjandyq sýretshi Mammad Rashıdovtyń áınekten jasalǵan músindik ınstallıatsııasy da tartymdy kórinedi.
Art-forýmda otandyq sheberler kórermender nazaryn ózderiniń keskindeme tehnıkasy men kompıýterlik grafıkada oryndalǵan biregeı jumystarymen tarta alady.
