Elordada Halyq qaharmany M.Altynbaevtyń 70 jyldyq mereıtoıyna arnalǵan shara ótýde (FOTO)
«Búgingi saltanatty jıynnyń shymyldyǵyn asha otyryp, tórimizde otyrǵan Halyq qaharmany , Armııa generaly Muhtar Qapashuly Altynbaevty búgingi 70 jyldyq bıigimen shyn júregimmen quttyqtaýǵa ruqsat etińizder. Ár soldattyń boryshy - Otanymyzdy qorǵaý. Sózimdi Elbasy, Bas Joǵarǵy Qolbasshysy Nursultan Ábishuly Nazarbaevtyń osynaý qanatty qaǵıdasymen ádeıi bastap otyrmyn. Óıtkeni, biz beıbit kúnniń ózinde batyryn ardaqtap, qaharmanyn qadirleı bilgen halyqpyz», - dedi mereıtoı ıesin quttyqtaǵan elimizdiń Qorǵanys mınıstri Imanǵalı Tasmaǵambetov.
Qorǵanys mınıstri egemendiktiń alǵashqy jyldarynda M.Altynbaevtyń shettegi áskerı qyzmetin qıyp, Elbasynyń arnaıy shaqyrýmen týǵan elge oralǵan tańdaýly azamattaryń biri bolǵanyn atap ótti. Jańashyl áskerbasy, dańqty ushqyr komandır, oıshyl maqsatker azamat táýelsizdiktiń eleń-alańynda elimizdiń tól áskerin qurýǵa qatysyp, qarýly kúshterimizde bolǵan barlyq derlik úrdisterdiń bel ortasynda júrgenin aıtty.
«Osylaısha, ol elimizidiń eń bir qıyn-qystaý, ıaǵnı ótpeli kezeńderinde memleket qalyptastyrý isine aralasyp, el senimin aqtaı bildi. Sondyqtan da 2006 jyldyń 6 mamyrda QR Prezıdenti N.Nazarbaev Qorǵanys mınıstri, Armııa generaly M.Altynbaevqa elimizdiń eń joǵary marapaty «Halyq qaharmany» ataǵyn berdi. Elbasynyń naǵyz erlerdi, ıaǵnı eli úshin erlik jasaýǵa taısalmaıtyn qazaqtyń rýhy asqaq, ór minezdi azamatardy janyna tartýy kóregendiktiń kórinisi», - dedi I.Tasmaǵambetov.
Saltanatty shara barysynda mereıtoı ıesin QR Qarýly kúshteri bas shatbynyń basshylyǵy, QR QK áskerı qyzmetshileri jáne Parlament depýtattary qutyqtady.
Aıta keterligi, atalǵan ortalyqta M.Altynbaevtyń ómiri men áskerı qyzmetinen syr shertetin fotokórme uıymdastyrylǵan.
