Elordada «Halqynyń uly perzenti» atty merekelik kontsert ótip jatyr
Ol elordada ótip jatqan merekelik is-sharalardy saltanatty qorytyndylaıdy. Elordanyń resmı saıtynyń jazýynsha, kontsertte basqa shyǵarmalarmen qatar N.Á.Nazarbaevtyń sózine jazylǵan ánder de oryndalady.
Kontsertte Moldova, Bashqurtstan, Ýkraına, Qyrǵyzstan, Armenııa, Belarýs, Ózbekstan respýblıkalarynyń ártisteri men shyǵarmashylyq ujymdary óner kórsetýde. Roza Rymbaeva, Qaraqat Ábildına, «MýzART», «Báıterek» toptary jáne basqalar mýzykalyq keshtiń qonaqtary boldy.
«Sazgen sazy» ansambli men Astana qalasynyń estradalyq-sımfonııalyq orkestriniń súıemeldeýimen sheteldik ártister qazaqtyń halyq ánderin oryndady. Atap aıtqanda, Belarýstyń «Kamerata» vokaldyq toby qazaqtyń halyq áni «Dedimaı-aý»-dy, Moldova Respýblıkasynyń halyq ártisi Konstantın Moskovıch - L. Hamıdıdiń «Bulbulyn» oryndady. Al Armenııadan kelgen halyqaralyq baıqaýlardyń laýreaty Karıne Asırıan qazaqtyń halyq áni «Bir balany», ózbekstandyq ártis Ramıza Ýsmanova - Abaıdyń «Kózimniń qarasy» ánin shyrqaıdy.
Sondaı-aq, kontsertte N.Nazarbaevtyń sózine jazylǵan «Úsh qońyr» ánin «MýzART» toby men «Saryarqany» «Báıterek» toby oryndaıdy. «Elıgaı» balalar horynyń oryndaýynda N.Nazarbaevtyń sózine jazylǵan «Meniń qalam» kompozıtsııasy shyrqalady.
